“Монгол ньюс” мэдээллийн төвд өнөөдөр Ардын жүжигчин, хөдөлмөрийн баатар Ц.Пүрэвдоржийн нэрэмжит ари романс дуулаачдын улсын IY, олон улсын II уралдааны талаарх мэдээлэл хийлээ. Тус уралдааны эхний шатанд 60 уран бүтээлч өрсөдсөнөөс хоёрдугаар шатанд 20 нь шалгаран үлджээ. Уг уралдаан олон улсын жишгийн дагуу нэгдүгээр шатны шалгаруулалтаа аудио бичлэгээр хүлээн авч шалгаруулсан байна. Уг уралдааны II, III шатны шалгаруулалт энэ сарын 27-28-нд ДБЭТ-т болох  юм байна. Уралдааны II шатанд нийт таван сопрано, таван тенор, дөрвөн баритон, зургаан баргил хоолойтон шалгаран үлдээд байгаа юм.  Харин III шатны шалгаруулалт, гала тоглолт  энэ сарын 30-нд 18.00 цагт ДБЭТ-т болж, шилдгээ шалгаруулах нь. Уг уралдааны туйлын зорилго нь дуурийн залуу дуучдыг нээн илрүүлэх гэнэ.

Сонирхуулахад, уг уралдааны болзол, удирдамж, өмнөх оролцогчдын мэдээлэлтэй  ном хэвлэгдэн гарчээ. Монголын төр засаг соёл урлаг тэр дундаа сонгодог урлагийг дэмжиж байгаа томоохон илрэл бол уг уралдаан хэмээн уралдааны зохион байгуулагчид онцлон хэлсэн юм.

II шатанд тэнцсэн оролцогчид:

1	Б.АЛТАНХУЯГ	УДБЭТ
2	Ц.АМАРБОЛД	“Сүлд” чуулга
3	Э.АНХБАЯР	УДБЭТ
4	Б.АРЮНА	Буриадын ДБЭТ
5	Б.БАТБААТАР	ЦДБЭЧ
6	Б.БАТЖАРГАЛ	УДБЭТ
7	Д.БАТ–ЭРДЭНЭ	ХБК
8	С.БАТ–ЭРДЭНЭ	СУИС
9	Э.БУМХҮҮ	УДБЭТ
10	Ж.БЯМБАЖАВ	УДБЭТ
11	Б.ГОМБО–ОЧИР	УДБЭТ
12	Б.ДОЛГОРМАА	“Сүлд” чуулга
13	Б.ОДОНЗАЯА	УДБЭТ
14	Ц.ӨЛЗИЙ	ХЦДБЧ
15	Б.УРАНЧИМЭГ	УДБЭТ
16	Х.САВВА	БДБЭТ
17	О.ХҮРЭЛБААТАР	УДБЭТ
18	О.ЭНХБОЛД	СУИС
19	Г.ЭНХБОЛД	УДБЭТ
20	Б.ЭНХНАРАН	Чөлөөтуранбүтээлч