Сонгуулийн ерөнхий хорооноос /СЕХ/ өнөөдөр 23.00 цагт орон нутгийн сонгуульд саналаа өгсөн сонгогчдын ирцийн талаар мэдээлэл хийхээр төлөвлөөд байсан ч маргааш хүртэл хойшлууллаа. Учир нь Сонгуулийн ерөнхий хороонд сонгуулийн тойргийн хороодоос ирүүлэх мэдээлэл хүлээгдэж байгаа нь ийнхүү албан ёсны дүн мэдээг нэгтгэн гарахад хугацаа алдаж буй аж. Гэхдээ хурлыг маргааш хэдэн цагт хийх талаар цаг хэлсэнгүй, жич зарлана гэлээ.

NEWS.mn сайтын зүгээс орон нутгийн сонгуульд аль аймаг, сум, дүүрэгт ямар улстөрийн хүчин олонхи болж, ялалт байгуулж байгаа талаарх мэдээллийг хүргэхдээ албан ёсны эх сурвалжид тулгуурлаж хүргэхийг хичээж байгааг энэ дашрамд онцолъё.