Мэдээллийн аюулгүй байдлын үүднээс iPad-ыг Оросын өндөр тушаалын түшмэдүүдэд ажлын цагаар хэрэглүүлэхгүй байх саналыг Төрийн Думын гишүүн, Нэгдсэн Орос намын төлөөлөгч И.Костунов гаргажээ. Ялангуяа төрийн нууцтай холбоотой ажил эрхэлдэг албан хаагчид iPad хэрэглэхгүй байх тухай хуулийн нэмэлт, өөрчлөлтийг ирэх хавар гэхэд Төрийн Думд өргөн барьж хэлэлцүүлэх аж.

Ажил албатай холбоотой мэдээллийг зөвхөн албаны компьютер дээр бичиж хадгалж байх саналыг хуулийн төсөлд тусгах юм байна. iPad дээр бичсэн мэдээллүүд алдагдаж, ОХУ-ын төрийн аюулгүй байдалд нөлөөлж байна гэсэн утгаар ийнхүү Оросын Төрийн Дум дээр асуудал босч ирэх гэж байна. Харин Монгол Улсын хувьд УИХ-ын гишүүдэд өмнөх парламентын үед албан ёсоор iPad тараан өгч албан хэрэгцээнд ашиглуулж байгаа билээ.