Поп гүнж Бритни Спирс Америкийн телевизийн “X Factor USA” шоунд шүүгчээр ажиллах хүндтэй үүрэг хүлээж, 15 сая ам.долларын гэрээ байгуулан ажилласан билээ. Гэхдээ Бритни Спирс тус шоунд шүүгчээр ажиллах хугацаандаа хөвгүүддээ хангалттай цаг хугацаа зарцуулж чадаагүй тул шоу өндөрлөж, шилдгүүд тодорч дууссаны дараа хөвгүүддээ зав гаргах болжээ.

Бритни Спирс өчигдөр бүтэн өдрийг Лос-Анжелесийн Таузенд Оакст өхөөрдөм хөвгүүд Жейден, Жеймс нарыхаа хамтаар гадуур зугаалж өнгөрүүлсэн байна. Тэрээр хөвгүүдтэйгээ гадуур зугаалахын сацуу бяцхан хаваа энгэртээ тэвэрч, бие хамгаалагчийнхаа хамтаар дэлгүүр хэсчээ. Бритни Спирс өөрийнх нь төлөөлөгч байсан сүйт залуу Жэсон Травиктай ирэх сард гэрлэх тухай өмнө мэдэгдсэн ч хуримын товоо одоо болтол зарлаагүй байгаа юм.