“Өег” компанийн нэрэмжит ширээний теннисний өсвөр үеийн “TOP-10” тамирчин шалгаруулах тэмцээн энэ сарын 16-17-ны өдөр “Оч” ширээний теннисний клубын байранд боллоо. Тэмцээний охид, хөвгүүдийн 12-оос доош, 13-14 насны ангилалд өсвөрийн 120 тамирчин өрсөлдөв. Тэмцээнд Улаанбаатар хотоос гадна Төв, Орхон, Дархан-Уул, Дундговь, Баянхонгор, Хөвсгөл, Дорноговь аймгаас тамирчид хүрэлцэн ирж оролцов. Тэмцээний 13-14 насны охидын төрлөөс бусад насны ангилалд орон нутгийн тамирчид тэргүүн байрыг эзэлсэн нь ширээний теннисний спорт хөдөө орон нутагт өндөр түвшинд хөгжиж байгааг харуулж байв. Нас болгоноос шилдэг 10 теннисчид тодорч, улмаар хасагдах шатанд найман тамирчин өрсөлдсөнөөр тэмцээний аваргууд тодорсон юм.

Тэмцээний дүнг танилцуулья.

12-оос доош нас  (охид)
Алтан медаль: Б.Хонгорзул (Баянхонгор аймаг)
Мөнгөн медаль: М.Ундрам (УБ хот, “Оч” клуб)
Хүрэл медаль: Б.Халиун (Төв аймаг), Б.Мөнхчимэг (Баянхонгор аймаг)

12-оос доош нас  (хөвгүүд)
Алтан медаль: Б.Туулайхүү (Эрдэнэт, Хөтөл)
Мөнгөн медаль: Ч.Эрдэнэбаяр (УБ хот, “Оч” клуб)
Хүрэл медаль: Э.Билгүүн (УБ хот “Оч” клуб), М.Тэмүүлэн (УБ, “Шинэ эргэлт”)

13-14 нас (охид)
Алтан медаль: Б.Азжаргал (БТДуС)
Мөнгөн медаль: Б.Мөнхзаяа (УБ хот, “Оч” клуб)
Хүрэл медаль: Д.Цолмон (БТДуС), А.Оюундулам (УБ, “Шинэ эргэлт”)

13-14 нас (хөвгүүд)
Алтан медаль: П.Билэгжаргал (Эрдэнэт, Хөтөл)
Мөнгөн медаль: О.Лхагва-Эрдэнэ (УБ хот, “Оч” клуб)
Хүрэл медаль: О.Хүслэн (Эрдэнэт, Хангарьд), Г.Чулуудай (УБ хот, “Оч” клуб)

Г.Даваасүрэн захиралтай “Өег” ХХК 10-н жилийнхээ ойн хүрээнд тус тэмцээнийг анх удаа зохион байгуулсан бөгөөд ирэх жилийн хавар дахин зохион байгуулахаар болжээ.

Дашрамд дуулгахад, Монголын ширээний теннисний нэрэмжит Үндэсний лигийн VII удаагийн тэмцээн 11.23-нд эхлэх бөгөөд 6-7 долоо хоног үргэлжлэх тус тэмцээний аваргууд ирэх оны эхээр тодорно. Тэмцээний дүрмийн дагуу найман баг оролцох ба нэг багт гурван эрэгтэй, хоёр эмэгтэй тоглогч байх юм. Тэмцээн “Оч” ширээний теннисний клуб дээр явагдана.