Америк, Канадын ашгийн бус байгуулага болох “World Education Services” буюу Дэлхийн боловсролын үйлчилгээний байгууллагын судалгаагаар АНУ-ын их, дээд сургууль, коллежид суралцах хятад оюутнуудын тоо жил ирэх тусам нэмэгдэж байгаа гэнэ. 2011-2012 оны хичээлийн жилд хятад оюутнууд нийт таван тэрбум ам.долларыг АНУ-д боловсрол эзэмшихийн тулд төлсөн байна. 

WES-ийн төлөөлөгч Рахул Коудаха дэлхийн эдийн засагт томоохон байр суурь эзлэх Хятад улс АНУ-ын боловсролын салбарт томоохон хандивлагчдын нэг болж байгааг онцолсон байна. 2003-2004 оны хичээлийн жилийн судалгаар тухайн жил Хятадын 61765 оюутан АНУ-д суралцахаар нийт 1,4 тэрбум төлж байсан бол энэ жил оюутны тоо 194 мянгад хүрч, төлбөрийн мөнгөн дүн таван тэрбумыг давсан байна.