Монгол, Солонгосын бизнес уулзалт өчигдөр “Blue sky tower”-т боллоо. Уулзалтыг Солонгос улсаас Монгол Улсад суугаа Элчин сайдын яам, Солонгосын худалдааны танхимтай хамтран зохион байгуулж бөгөөд уулзалтад Монголын 50 гаруй аж ахуйн нэгж, Солонгосын 25 компани оролцлоо. Мөн Барилга хот байгуулалтын яам, Эдийн засгийн хөгжлийн яам, Үйлдвэр, хөдөө аж ахуйн яам, Эрчим хүчний яамны дэд сайдууд хүрэлцэн ирж яамдынхаа бодлого, томоохон төслүүдийг танилцуулав.

БНСУ-аас оролцож байгаа компаниуд манай улстай эрдэс баялаг, эрчим хүч, уул уурхай, төмөр зам, тоног төхөөрөмж гээд бүхий л салбарт хамтран ажиллах сонирхолтой байгаагаа илэрхийлж, байгууллагаа танилцуулсан байна.