Иргэний цахим үнэмлэхийг  төрийн болон бусад байгууллагын үйлчилгээнд  энэ сарын 15-ны өдрөөс эхлэн үе шаттайгаар нэвтрүүлж ажиллахыг Хууль зүйн сайдын тушаалаар шийдвэрлэсэн. Үүнтэй холбогдуулан Улсын бүртгэлийн ерөнхий газрын  төв, орон нутгийн Улсын бүртгэлийн хэлтэс, нэгжүүд өнөөдрөөс эхлэн бүх үйлчилгээгээ иргэний шинэ цахим үнэмлэхтэй иргэдэд үзүүлж эхэлжээ.

Цаашид төрийн болон бусад байгууллагууд зөвхөн иргэний цахим үнэмлэхээр үйлчилгээ үзүүлэх юм. Дашрамд дурьдахад, аймаг, сум, дүүргийн иргэдийн төлөөлөгчдийн хурлын сонгуульд иргэд зөвхөн цахим үнэмлэхээр санал өгнө.