Цагдаагийн ерөнхий газраас аж ахуйн гэмт хэрэг, хүн амын эрүүл мэндийн эсрэг гэмт хэрэг болон захиргааны зөрчлийг илрүүлэх, бүртгэх, таслан зогсоох, урьдчилан сэргийлэх талаар ШӨХТГ-тай хуулийн хүрээнд хамтран ажиллахаар болжээ. Санамж бичигт ЦЕГ-ын дарга, хурандаа Б.Билэгт, ШӨХТГ-ын дарга О.Магнай нар өнөөдөр гарын үсэг зурсан байна.

Хоёр байгууллагаас хамтарсан хяналт шалгалт хийх, иргэд, аж ахуйн нэгж, байгууллагад хуулийн зөвлөмж, зөвлөгөө өгөх, гарын авлага, сэрэмжлүүлэг тараахаар тусган мөн хамтарсан сургалт, зөвлөгөөн зохион байгуулах зэргээр  ажиллахаар төлөвлөсөн ажээ.