Хөгжмийн ертөнцийн залуу хос Жастин Бибер, Селена Гомез нар хоёр жил гаруй үерхсэний эцэст салсан тухай хэвлэлүүд шуугих болсон ч хосууд одоо болтол энэ талаар ямар нэгэн мэдээлэл хийгээгүй байна. Зарим эх сурвалжууд Жастин Биберийг найз бүсгүй Селенагаа хуурснаас хосууд салсан тухай цуурах болсноор барахгүй Жастинийг Унгарын залуу модель Барбара Пальвинтай болздог гэсэн яриа тархжээ. Энэ бүх хов живний зэрэгцээ Жастины уйгагүй ятгалгаас залхсан Селена Гомез зугтахаар шийдэн өчигдөр Даллас хотод амьдардаг аав, ээж дээрээ ирсэн байна. Селенагийн дотны эх сурвалжийн мэдээлснээр тэрээр гэр рүүгээ явахаас өмнө Жастины дугаар, бичсэн мессежүүдийг гар утсан дээрээсээ устгаж, дуудлагыг нь хаажээ. Мөн Селена Гомез хэнтэй ч холбоо барихыг хүсэхгүй байна гэж ярьсан байна. Тэдний салсан тухай мэдээлэл долоо хоногийн өмнөөс цацагдах болсон бөгөөд Жастин Бибер загвар өмсөгч Барбара Пальвинтай “Victoria"s Secret”-н шоуны үеэр уулзан, хамт зургаа авахуулсны дараагаас тэднийг болздог гэх яриа хүчтэй дэлгэрсэн юм. Жастин Бибер үүнээс өмнө Барбара Пальвинтай нэг удаа уулзаж, Бродвейд “The Lion King” жүжгийг үзсэн аж. Харин модель Барбара Пальвин энэ бүх хов живийг үгүйсгэн Жастин, Селена нартай энгийн найзууд, Жастинтай зургаа хамт авахуулснаас өөр зүйлгүй гэж мэдэгджээ.