Холливудын алдартай эмэгтэй жүжигчдийн нэг Женнифер Энистон 138 мянган ам.доллараар тансаг зэрэглэлийн “Porsche” автомашин худалдан авчээ. Тэрээр  өчигдөр энэхүү үнэтэй “Porsche” машиныхаа түлхүүрийг сүйт залуу Жастин Теруд гардуулсан бөгөөд хоёул Лос-Анжелес хотоор зугаалсан байна. Жастин Теру сүйт бүсгүйгээ хажуудаа суулган хүчирхэг мотортой шинэ машинаа асаан Бель Эйрээс хөдөлж, Холливудын гудамжаар баахан давхижээ. Зарим эх сурвалжууд уг шинэ “Porsche” -ны талаар Женнифер Энистоны сүйт залуудаа барьж буй “Зул сар”-ын бэлэг байх хэмээн мэдээлсэн байна. Женнифер Энистон өнгөрсөн наймдугаар сард Жастин Терутай сүй тавьсан бөгөөд хосууд хуримын товоо хараахан зарлаагүй байгаа юм.