Америкийн “Living Legend” хамтлаг рок хөгжмийн ертөнцийн шилдгүүдийг тодруулдаг Лондонд болсон “Rock Roll” наадмын “Шилдэг”-ээр шалгарсан байна. Тус наадамд домогт Guns N" Roses хамтлагийн гишүүн Дафф Мекагган урилгаар оролцсон нь түүний шүтэн бишрэгчдийн хувьд хамгийн том завшаан болсон аж.  Өчигдөр болсон тус наадамд Англи Америкийн дэлхийд алдартай ZZ Top, The Damned болон Lynyrd Skynyrd хамтлагууд мөн оролцжээ. “Living Legend” анх 1990 онд байгуулагдаж “La Weekly” цомгоороо олны танил болсон юм.

“The Damned” хамтлаг 1976 оны аравдугаар сараас “New Rose” нэртэй анхны синглээ үзэгчдийн хүртээл болгож байснаас хойш одоог хүртэл рок хөгжмийн ертөнцийн хамгийн нэр хүндтэй хамтлагуудын нэг болсон юм.

Lynyrd Skynyrd-ийн хувьд 1987 оноос уран бүтээлээрээ рок хөгжим сонирхогчдын дунд танил болж “Pink Floyd” нэртэй дэлхийн рок хөгжмийн шилдэг хамтлагуудын хүртэж байсан “Comeback Award”-ын  шилдгийн шилдэг шагналыг хүртэж байжээ. Тус хамтлаг 1987 оноос өмнө буюу нэрд гарахаасаа өмнө 1975 онд “The Story of Wish You Were Here” синглээрээ нэрлэсэн цомгоо гаргаж байсан аж. Харин “ZZ Top” хамтлаг 1969 онд анх байгуулагдаж “Tres Hombers” нэртэй цомгоо гаргаж байсан нь тэдэнд ихээхэн алдар хүндийг авчирч байжээ.