“Gangnam Style” дуугаараа дэлхийг байлдан дагуулаад байгаа Өмнөд Солонгосын дуучин PSY алдарт дуучин Мадоннагийн өнгөрсөн мягмар гаригт Нью-Йоркод болсон аялан тоглолтод уригджээ. Энэ нь дуучин Мадоннагийн өнгөрсөн тавдугаар сард эхэлсэн “MDNA” нэртэй 12 дахь цомгоороо нэрлэсэн “MDNA World Tour” хэмээх ес дэх аялан тоглолт нь  юм. Тоглолтын үеэр Мадонна, PSY нар “Gangnam Style”-ийг хамтран бүжиглэж, үзэгчдийг гайхашруулжээ. Мадонна мягмар гаригийн оройны Нью-Йокийн тоглолтын өмнө өөрийн аялан тоглолтоо Германы Франкфурт хотод мөн хийсэн бөгөөд тус тоглолтод түүний  20 мянган шүтэн бишрэгч  цугласан байна.

Энэ үеэр мөн Франкфурт хотод “MTV Europe Music Awards” шилдгүүдээ тодруулсан үйл явдал давхцаж, дуучин PSY уг наадмын “Шилдэг видео” шагналыг хүртсэн билээ. PSY “MTV Europe Music Awards”-д мөн л “Gangnam Style”-ээр фэннүүддээ бэлэг барьсан юм. Мадоннагийн хувьд PSY-ийн сонин содон өнгө аястай “Gangnam Style”-ийн бүжгээр өөрийн тоглолтод хүрэлцэн ирсэн үзэгчдэд бэлэг барихаар шийдсэн бололтой. Хамгийн сонин нь энэ үдэш PSY улаан хослолоор гоёж, Мадонна улаан дотуур хувцас өмссөн байжээ. Мадонна Нью-Йокод болсон энэхүү тоглолтынхоо ашиг орлогоос “Сэнди” хар салхинд өртсөн иргэдэд хандивлах юм байна.