УДЭТ-ын тайзнаа 33 жилийн дараа морилсон “Гамлет” жүжгийн гол дүрд тоглож, Монголын сонгодог урлагийн түүхэнд хоёр дахь Гамлет болсон жүжигчин С.Болд-Эрдэнэ өнөөдөр “Алтангадас” одонгоор энгэрээ мялаалаа. Тэрээр Соёл, спорт, аялал жуулчлалын сайд Ц.Оюунгэрэлээс одонгоо гардаж авсан бол түүний ээж, жүжигчин н.Нэргүй мөн өнөөдөр Төрийн ордонд Монгол Улсын Ерөнхийлөгчөөс “Алтангадас” одон хүртсэн нь ховор бөгөөд билэгшээлтэй тохиол байлаа.

Маргааш ССАЖ-ын сайд Ц.Оюунгэрэл Монгол бахархлын өдрөөр төрийн дээд одон медалиар шагнуулсан уран бүтээлчдийг хүлээн авч уулзан, хүндэтгэл үзүүлэх бөгөөд хэд хэдэн хүнийг шагнаж, урамшуулах юм байна.