“Норма Жин Мортенсен” буюу шаргал үст, дур булаам кино од Мэрилин Монрогийн гайхалтай зургуудыг ирэх пүрэв гаригт Польшид дуудлага худалдаагаар худалдахаар болжээ. Дуудлагаар худалдах гэж буй Мэрилин Монрогийн ховор, нандин зургуудын ихэнхийг  тэрээр 1653-1957 оны хооронд авахуулсан бөгөөд тухайн үед түүний зөвлөгч, бизнесийн хамтрагч байсан Милтон Грийн цуглуулж байжээ. Монрогийн эдгээр зургийн ихэнхи нь хар, цагаан ба зураг бүрийн үнэ хаялцуулан худалдах анхны үнэ 16 мянган ам.доллараас 20 мянган ам.долларын хооронд байх гэнэ. Дашрамд сонирхуулахад, алдартнуудын ховор зургийг цуглуулагч Милтон Грийний 680 мянган ам.доллараар үнэлэгдэх цуглуулгад алдарт жүжигчин Одри Хепберн, Грейс Келли, Марлин Дитрих, Лайза Миннелли нарын үзэсгэлэнт бүсгүйчүүдийн болон Кэри Грант, Фрэнк Синатра, Паул Ньюмен, Альфред Хичкок нарын нэрт жүжигчдийн гэрэл зураг байдаг аж.