Жүзеппе Миацца цэнгэлдэх хүрээлэнд зочдын дүрээр очсон Фиорентиначууд гайхалтай ялалт дагуулж улаан, харуудыг 3:1-ийн харьцаагаар итгэл төгс хошуучиллаа. Хэргийн эзэд нь зочин багийн Аквиланни, Валеро, Эль Хамадү нар.Тоглолтын эхний гоолыг 10 дахь минутад Аквилани оруулсан бол эхний гоолоос хориод минутын дараа 38 дахь минутад Борха Валеро гоолдож зочид 2:0-ийн харьцаагаар тэргүүлж эхэлсэн юм. Эхний үед өөр гоол ороогүйгээр тоглолт завсарласан байна. Эхний үе эхлээд эзэд довтолж байсан ч байндаа нэг л тусч өгөхгүй байлаа. Харин тоглолтын 60 дахь минутад эзэн багийн Жианпауло Паццини гоолдож эздийн урам зоригыг нэмсэн юм. Гэтэл тоглолтын төгсгөл хэсэгт буюу 83 дахь минутад зочдоос Эль Хамадү гоолдсоноор зочид 3:1-ийн харьцаагаар ялалт байгуулсан юм. “Фиорентиначууд байрлал бүр дээр сайн тоглож байсан. Гэхдээ сүүлийн хоёр гоолыг бид үндсэндээ тэдэнд бэлэглэчихлээ. Бид энэ тоглолтод Фиорентнад хариу үйлдэл хийж чадсангүй. Бидний гол асуудал бол хурд. Сүүлийн гурван тоглолтонд энэ харагдлаа. Бид ямар ч байсан энэ асуудлаа янзалж, өөр хэв маягаар тоглох болно” гэж АС Милан багийн дасгалжуулагч Массимлиано Аллегри ярьжээ. Энэ мөчид Милан хотын өөр нэгэн баг Инернационал Аталанта багт 3:2-ийн харьцаагаар хожигдсон байна. Одоогийн байдлаар Сери А-г Ювентус баг 31 оноогоор тэргүүлж байгаа бол улаан, харууд 13 дугаар байранд 14 оноогоор бичигдэж байгаа юм.