Монгол Улсын Ерөнхийлөгчийн дэргэдэх Иргэний танхимд “Монголчууд ба монгол бичиг” хэлэлцүүлэг боллоо. Түүнд эрдэмтэн, судлаач, лам хуврагууд оролцож, худам монгол бичгийн үнэ цэнэ, даяаршлын ертөнцөд монгол бичигтэйгээ үлдэхийн ач холбогдлын талаар ярьцгаалаа.

Энэ үеэр Монгол Улсын Ерөнхийлөгчийн худам монгол бичиг дээрх цахим хуудасны нээлт болсон юм. Монгол Улсын Ерөнхийлөгчийн албан ёсны цахим хуудас болох http://www.president.mn/mng/ сайт өнөөдрөөс эхлэн бүх мэдээ мэдээллээ монгол бичгээр гаргах юм. Ерөнхийлөгчийн сайтын монгол бичиг дээрх цахим хувилбарыг www.president.mnmng  гэсэн хаягаар орж сонирхох боломжтой ажээ. 

Өнөөдөр үдээс хойш энэхүү цахим хуудас иргэдэд нээлттэй ажиллаж эхлэх юм.