УИХ-ын гишүүд өчигдөр хуульд заасан хугацаанаас долоо хоногийн өмнө Монгол Улсын 2013 оны нэгдсэн төсвийг баталж гараас гаргасан юм. Дөнгөж сая чуулганы нэгдсэн хуралдаанаар Төсвийн хуулийн эцсийн найруулгыг сонсч дууссанаар дараа жил Монгол Улс даяар мөрдөх Төсвийн тухай хууль бэлэн боллоо.

Одоо эрхэм гишүүд Төрийн ордонд Төсөв баталсныг тэмдэглэн хүлээн авалт хийх гэж байна. Жил бүр хамгийн нүсэр, хамгийн хүнд, хамгийн том хууль болох улсын нэгдсэн төсөв баталсныг тохиолдуулан УИХ, Засгийн газрын гишүүд хүлээн авалт хийдэг уламжлалтай юм.