Амаржаад удаагүй байгаа жүжигчин Риз Уизерспун хорвоод мэндлээд сар гаруйхан болж буй нялх хүү Теннессийн хамт Лос-Анжелес хотноо зугаалж яваад папараццийн дуранд өртжээ. Өдгөө 37 настай жүжигчин бүсгүй цэнхэр цамц, бариу хөх жинсэн өмд өмсч, энгийн байдлаар хувцасласан байсан бөгөөд балчир хүүгээ хүүхдийн тэргэн дээр түрэн зугаалж явсан байна.

Тэрээр өнгөрсөн оны гуравдугаар сард Жим Тоттой гэрлэж, өнгөрөгч есдүгээр сарын 27-нд хүү Теннессигээ өлгийдэн авчээ. Риз өмнө нь жүжигчин Райан Филлипптэй гэрлэж байсан бөгөөд Аву Элизабет, Дикона гэх хүү, охинтой юм.