Палестиний Газын зурвасын ойролцоо Кан Юнис хотод  өчигдөр 13 настай хүү буудуулж амиа алдсан тухай тус хотын Эрүүл мэндийн төвөөс мэдээлсэн байна. Палестиний Засгийн газар хүүгийн үхэлд Израйлийн Батлан хамгаалах хүчнийхнийг буруутгаж байгаа аж. Учир нь Кан Юнис хот нь Израйль, Палестины хооронд хүйтэн харилцаатай байдаг Газын зурвасын ойролцоо оршдог ажээ.

Хамид Абу Дакка хүү гэрийнхээ гадаа найзуудтайгаа хөлбөмбөг тоглож байх үеэр  Израйлийн нисдэг тэрэгтэй цэргийн хүчнийхний бууны суманд өртөн ийнхүү амиа алдсан хэмээн Палестиний Засгийн газрын төлөөлөгч Ашраф Ал-Кидра мэдээлсэн байна. Цагдаа нар хүүг эмнэлэгт хүргэсэн ч сумны хүнд шархыг дийлэлгүй эмнэлэгт амьсгал хураажээ.

Израйлийн зүгээс энэ хэрэгтэй холбогдуулан албан ёсны мэдээлэл хийгээгүй байна.