Монгол Улсад сагсан бөмбөгийн спорт үүсч хөгжсөний 50 жилийн ойг тохиолдуулан Монголын үндэсний сагсан бөмбөгийн холбооноос сагсан бөмбөгийн их наадмыг зохион байгуулах гэж байна. Ирэх арванхоёрдугаар сарын 1-нд болох тус наадам 1995 он хүртэл, 1997 оноос хойш гэсэн өсвөрийн, залуучууд, ахмадын гэсэн ангиллаар болох аж.

Монголын үндэсний сагсан бөмбөгийн холбооноос мөн ТВ9 телевизтэй хамтран сагсан бөмбөгийн “Оддын шоу”-г мөн зохион байгуулж байгаа юм. Мөн өнгөрсөн жил хийж байсан сагсан бөмбөгчдийн шинэ жилийг уламжлал болгон хийх ба шинэ жилээр сагсан бөмбөгийн 2012 оны шилдгүүдийг тодруулан шагнах юм байна.