Өнгөрсөн сард талибанчуудын гэмт үйлдлийн золиос болж, буудуулсан Малала охинд Нобелийн энхтайвны шагнал олгох хүсэлтэй олон мянган британичуудын уриалгыг тус улсын Засгийн газар дэмжжээ. Дөнгөж 15-хан настай пакистан охин оршин буй ертөнцөд ямар учраас эмэгтэйчүүдийг хүндэлдэггүй, шударга бус харьцдаг талаар дуу хоолойгоо хүргэсний төлөө талибанчуудын гарт буудуулсан юм.

Зоригт Малала охин золоор амиа алдаагүй ч бие болон сэтгэлийн шархтай үлдэж, өнгөрсөн сард олон улсын анхаарлын төвд байсаар ирсэн. Албаны эх сурвалжийн мэдээлснээр өнөөдөр буюу баасан гаригт Британийн ерөнхий сайд Дэвид Камерон тэргүүтэй тус улсын Засгийн газрын төлөөлөгчид олон мянган ард түмнийхээ уриалгыг дэмжиж, Малала охинд Нобелийн энх тайвны шагналд нэр дэвшүүлэх нь зүй ёсны хэрэг хэмээн мэдэгджээ.