Йемены шүүх өнгөрсөн жилийн дөрөвдүгээр сард Йемены танкерыг барьцаалан багийн гишүүдээс хоёр хүнийг хөнөөсөн Сомалийн зургаан далайн дээрэмчинд энэ мягмар гаригт алах ял өглөө. Өөр зургаан дээрэмчин шоронд 10 жил хоригдохоор болжээ.
Ял сонссон 18-47 насны сомаличууд даван заалдах эрхийг шүүхээс шаардав. Тэдний нэг нь гэрч байхгүй учраас хэргийг баталж чадахгүй хэмээн хэлж байв.
Танкер "Кана" (Qana) Йемены Аль-Мукалла боомтоос гараад сомалийн дээрэмчдэд барьцаалагдсан байлаа. Тус орны далайн цэргийнхэн дараагийн өдөр нь танкерыг дайран эзэлж дээрэмчдийг баривчилсан юм. Олон улсын далайн товчооны (IMB) мэдээгээр Сомалийн далайн дээрэмчид Адены булан ба Арабын тэнгист 2009 онд 217 удаа хөлөг онгоцуудад зэвсэгт халдлага хийжээ.