Холливудын нэрт жүжигчин Камерон Диаз өчигдөр Лондонд болсон “Gambit” киноны улаан хивсний ёслолд оролцжээ. Өдгөө 40 настай Диаз энэ үеэр нэрт загвар зохион бүтээгч Слелла Маккартнигийн урласан дур булаам даашинзаар гоёсон байна.

“Gambit” кинонд Диазаас гадна Английн нэрт жүжигчин Колин Фөрт, Том Кортни, Алан Рикман нар мөн тоглож байгаа гэнэ. Энэхүү кино анх 1966 онд жүжигчин Майкл Кейн, Ширли Маклейн нарын тоглосноор үзэгчдийн хүртээл болж байсан бөгөөд киноны шинэчилсэн хувилбарыг Америкийн  найруулагч Майкл Хоффмэн найруулсан аж. “Gambit” энэ сарын 21-наас эхлэн Их британид үзэгчдийн хүртээл болох юм байна.