“Microsoft” корпорацийн гаргаж  буй “Windows Phone 8” смартфон нь интернэт холболт “Wi-Fi”-д шууд холбогддогоороо бусад смартфоноос онцлог байх гэнэ. “Windows Phone 8” смартфон нь “Devicescape” программтай учраас “Wi-Fi”-ийн сая сая холболтод хэрэглэгчийн оролцоогүйгээр автоматаар холбогдох юм байна. Мөн “Windows Phone 8” смартфон нь “Wi-Fi” холболтын нэг цэгээс нөгөөд шууд шилжих боломжтой учраас хэрэглэгчид интернэтээс дуу, бичлэг, кино үзэж, татаж авч байхдаа зөвхөн тухайн нэг “Wi-Fi”  цэгтээ удаан байж, холболтын хүрээнд захирагдахгүй болох давуу талтай аж. Түүнчлэн  “Windows Phone 8” смартфон нь бага хурдтай интернэтийг ашиглан  контент үзэж, татан авч байхад өөр илүү хурдтай интернэт холболт гарч ирвэл автоматаар өндөр хурдтай интернэтэд нь шилжих  байна. Үүгээр зогсохгүй тус смартфон нь хоцрогдсон интернэт сүлжээ, хэн нэгний хувийн сүлжээ болон хурд удаантай интернэтэд дахин, дахин холбогдохгүй байх санамжтай гэнэ.