АНУ-ын Ерөнхийлөгчийн 57 дахь удаагийн сонгуулийн санал хураалт өчигдөр болж, Ерөнхийлөгч Барак Обама давамгай ялалт байгуулсан билээ. АНУ-ын Ерөнхийлөгчийн санал хураалт болохоос нэг өдрийн өмнө Кенийн баруун өмнөд нутагт Миллисент Овуор гэгч эмэгтэй хоёр ихэр хүү төрүүлжээ. Сонирхолтой нь Миллисент Овуор ихрүүддээ АНУ-ын ерөнхийлөгчийн сонгуулийн өрсөлдөгчид болох Мит Ромни, Барак Обама нарын нэрийг өгсөн байна. Тэрээр эхэлж төрсөн хүүгээ Обама хэмээн нэрлэж, дүүг нь Мит гэж нэрлэжээ. АНУ-ын Ерөнхийлөгч Барак Обамагийн ялалтыг Кенийн Когело тосгоныхон нийтээрээ дуулж, бүжиглэж, баярлан тэмдэглэсэн байна.