АНУ-ыг ирэх дөрвөн жилд одоо­гийн Ерөнхийлөгч Барак Обама удир­дахаар боллоо. Тэрбээр 275 са­нал­тайгаар саналын хуудсыг тэр­гүүлж эхэлсэн нь ялалтад ойр­хон болсон гэдгийг Митт Ром­нид сануулсан. Албан ёсны дүн­гээр Барак Обама 303, Митт Ромни 206 саналтайгаар АНУ-ын Ерөнхийлөгчийн ээлжит сонгуулийн санал хураалт албан ёсоор хаагдлаа. Ийнхүү АНУ-ын 200 гаруй жилийн түүхэнд африк гаралтай, өнгөт арьстай анхны Ерөн­хийлөгч Барак Обама хоёр дахь удаагаа сонгогдож түүхэнд нэрээ мөнхөлж байна.

Түүнийг улиран сонгогдох талаар өмнө нь хэвлэлийнхэн төдийлөн таамаглаж байгаагүй юм. Учир нь сүүлийн жилүүдэд нэр төрөө ал­даад байсан Барак Обама халз мэт­гэлцээний үеэр иргэдэд өөрийгөө бүрэн дүүрэн илэрхийлж, Засгийн газрын шинэ бодлого үр дүнгээ өгч байгаа талаар иргэдэд ойлголт өгсөн. Мөн “Сэнди” хар салхи түүнийг ялалт байгуулахад тусалсан талаар зарим хэвлэлд дурьдсан байна.

Санал хураалтын өдөр хар сал­хинд өртөөд байсан Нью-Йоркийн хэсэг иргэд “Бид хар салхинд бүх­нээ алдсан ч Ерөнхийлөгч Барак Обаматай байхад ирэх дөрвөн жил алзахгүй” хэмээн америкчуудын сонголтод нөлөөлсөн аж. Юуны тү­рүүнд Обамагийн өмнө их ажил хү­лээж байна. Түүнийг Ираны цөмийн эрчим хүч, цөмийн зэвсэгийн   асуудал, Умард Солонгосын энхийн гэрээ, бүс нутгийн аюулгүй байдал, Ойрхи Дорнодын улс төрийн тогтворгүй байдал, тэр дундаа Ливи, Сирийн нөх­цөл байдал, АНУ-ын цэрэг ар­мийг Афганистанаас аюулгүй гар­гаж дуусгах, нутгийн иргэдтэй нь энхийг сахиулах гэрээнд үзэглэж, хоол хүнсний тусламж үзүүлэх, ОХУ болон  БНХАУ-ын хамтын ажил­лагаа, Европын холбооны сан­хүүгийн хямрал, АНУ-ын эдийн засгийн өсөлт, ажилгүйдлийг буу­руулах, НАТО-гийн бодлогын шинэ төсөл, төсвийн танадалт, эрүүл мэндийн даатгалын шинэ систем, татвар гэх мэт олон толгой эргэм хүнд ажлууд хүлээж байна. 

Барак Обама өмнө нь буюу 2008 оны сонгуулиар “Өөрчлөлт” уриан дор ялалт байгуулж байсан бол энэ удаад “Урагшаа” уриагаар саналын давуу байдлыг хадгалж чадсан та­лаар CNN агентлаг онцолсон билээ. Санал хураалтын хамгийн эгзэгтэй мөч бол Охайо мужийнхан хэний төлөө санал өгөх байлаа. Тус мужийн сонгогчдын төлөөлөгчдийн 18 са­налын төлөө нэр дэвшигчид эн тэнцүү, ширүүн өрсөлдсөн. Урьдчилсан байдлаар Барак Обама бага зэргийн саналын илүүтэй бай­сан. Гэхдээ тус мужийн хувьд иргэд хэний ч төлөө саналаа өгөхөд бэлэн гэдгийг урьдчилсан санал хураалт харуулсан юм.

Харин санал хураах явцад гарсан хамгийн том зөрчил Пеньсилвани мужид саналын машины луйвар илэрсэн аж. Тодруулбал,     Филаделфиа хотод санал авах автомат машин будлиан үүсгэсэн талаар ажиглагчид хэвлэлийнхэнд мэдээлсэн. Барак Оба­магийн төлөө санал өгтөл Митт Ромнигийн нэр гараад иржээ. Улмаар удаа дараа Обамагийн төлөө саналаа өгөхөөр товчлуурыг дарсан боловч Митт Ромнигийн нэр гараад байсан аж. Ийнхүү Сонгуулийн хороонд мэдэгдсэнээр дээрх бульхай илэр­чээ. Санал хураах автомат машиныг хураан авч, дахин ийм зүйл тохиолдох эсэх талаар онцгой анхаарал хандуулах ёстойг иргэдэд сануулжээ.

Энэ удаагийн АНУ-ын Ерөн­хийлөгчийн сонгуультай зэрэгцэн Конгрессийн төлөөлөгчдийн тан­химын болон Сенатын 33 суудлын төлөөх санал хураалт болсон юм. Санал хураалтын урьдчилсан дүн­гээр Бүгд найрамдах намынхан олонхи байдлаа хадгалж үлдсэн бол Ардчилсан намын төлөөлөгчийн тан­химын 435 суудлаас 195-ыг авса­наар ялагдал хүлээх нь тодорхой болсон аж. Гэхдээ Сенатын болон Конгрессийн төлөөлөгчийн тө­лөөх өрсөлдөөн анхаарлын төвд бай­сангүй.

Ажиглагчид энэ удаагийн сон­гуулийг “Хамгийн өрсөлдөөнтэй сонгууль болж өнгөрлөө” хэмээн дүгнэж байна. Тэд “Энэ жилийн сон­гууль 2008 оны сонгуультай харь­цуулбал илүү өрсөлдөөнтэй боллоо. Өглөө санал хураалтын эхний мэдээ гарч байхад Митт Ромни саналын зөрүүгээр тэргүүлж, саналын хувиар Обамагаас ялимгүй дээгүүр гарч байсан ч ийнхүү эцсийн дүнд Барак Обама ялалт байгуулж чадлаа. Хэрвээ энэ удаагийн сонгуулийн дүн ойролцоо, энэ тэнцүү гарвал маш том маргаан үүсгэх магадлал өндөр байсан. Хэрвээ Митт Ромни Калифорни болон Флорида мужид өрсөлдсөн шигээ санал хураасан бол саналын зөрүү нэлээд ойртох боломжтой байсан” гэжээ.

Флорида мужийн санал гарах дутуу гэдгийг хэвлэлийнхэн онцолж байсан. Гэхдээ тус мужид Митт  Ромни ялалт байгуулсан ч  сонгуулийн үр дүнд нөлөө үзүү­лэхгүй гэдэг нь ойлгомжтой. Ялалтаа тэмдэглэж эхэл­сэн Барак Обама өөрийнхөө “Twitter” хуу­даснаа “Миний төлөө биш АНУ-ын ирээдүйн төлөө саналаа өгсөн та бүхэнд баяр хүргье” хэмээн сонгогчиддоо хандан баярласан та­лархсанаа илэрхийлсэн байна.