Америкийн улстөрчдөд Мон­­го­лын улстөрчдөөс сурал­цах зүйл үнэхээр их байна аа. АНУ-ын Ерөнхийлөгчийн сон­­гуульд нэр дэвшсэн Мит Ром­­ни АНУ-ын Ерөнхийлөгч Ба­рак Обамад хэдхэн саналын зөрүү­тэй ялагдсан. Гэтэл  тэр­бээр ялагдсаныхаа дараа “Амери­кийг бурхан ивээг” гээд инээмсэглэн хэлж байхыг хар­лаа. Үүнийг харсан зарим нэг хүн “Энэ лав яав ч эрүүл биш байх аа” гэж хэлж байгаа сонсогдов. Үнэхээр л Мит Ромины тэнэг байх аа. Хэрэв түүний оронд манай улстөрчид байсан бол “Энэ удаагийн сонгууль шударга бус болсон. Саналын хуудсыг гараар тоолъё” гэж ирээд л бөөн асуудал үүсгэх байсан юм. Үүнийг чинь л жинхэнэ улс төр, жинхэнэ улстөрч гээд байгаа юм шүү дээ. Ийм л улстөрчдийг Монголын нийгэм хүмүүжүүлж байгаа. Ард түмэн ч үүнд нь ихээхэн дуртай байдаг даа. Ингэж байтал “Магтсан хүүхэн хуриман дээр ээ” гэдэгчлэн Мит Роминыг дуурайгаад эхлэх вий дээ, цаадуул чинь. Сонгуульд ялагдчихаад л “Монгол Улсыг бурхан ивээг” гээд зогсож бай­вал наанадаж, имиж ээ алдана. Цаанадаж, яг л Мит Ромины шиг олны элэг доог болно шүү дээ. Гэхдээ энэ нь олон улсад үнэлэгдэж магадгүй л юм. Харин Монголд бол үгүй шүү дээ. Ер нь Монголын улстөрчид Монголын сонгогч­дод л таалагдах ёстой байх аа. Тэр Ардын намынхныг хар гадныханд сайхан харагдах гэж нэрээ өөрчлөөд өнөөдөр ямар байдалтай байгаа билээ. Тиймээс монголчууддаа л таалагдах хэрэгтэй. Сонгуульд ялагддаг л юм бол “Сонгууль будилаантай болсон. Дахин сонгууль явуулах хэрэгтэй. Ард түмний сонголтыг үнэ­гүйдүүлж болохгүй” гээд л чаргууцалдаад байх хэрэгтэй. Ингэж байж л Монголын улс төр дэлхийд ялгарна шүү дээ. Удахгүй болох орон нут­гийн хурлын сонгуульд нэр дэвшигчид УИХ-ын сон­гуульд нэр дэвшигчдээс үлгэр дуурайлал авах хэрэгтэй. УИХ-ын сонгуульд нэр дэвшигчид яаж “новширлоо” доо.  За­рим зарга нь одоо хүртэл шийдэгдээгүй л явж байна. Тиймээс АНУ-ын улстөрчдөөс биш Монголынхоо  улстөрчдөөс суралцаад л байж дээ. Ингэхэд дэлхийн хэмжээний улстөрчид яахаараа манайхнаас туршлага судалдаггүй байна аа.  Хэрэв Монголын улстөрчдийн турш­лагыг дэлхий дахинд тү­гээчихвэл улс төр ч жинхэнэ утгаараа буцалж эхэлнэ дээ. Тэгэхээр манайхан туршлагаа гадныхантай хуваалцах арга хэмжээ авмаар юм.