НҮБ-ийн Хөгжлийн хөтөлбөр, Эрчим хүчний яам хамтран  “Тогтвортой эрчим хүчийг бүх нийтэд хүртээх санаачилга”  хэлэлцүүлгийг өнөөдөр 09.00-13.00 цагийн хооронд “Чингис“ зочид буудалд зохион байгуулж байна. Хэлэлцүүлгийг нээж УИХ-ын гишүүн С.Дэмбэрэл, Эрчим хүчний дэд сайд Д.Доржпүрэв, НҮБ-ийн Хөгжлийн хөтөлбөрийн Суурин төлөөлөгчийн орлогч Томас Эриксон нар үг хэлэх гэнэ. Энэ үеэр “Тогтвортой эрчим хүчийг бүх нийтэд хүртээх санаачлага”  үнэлгээ, Хүний тогтвортой хөгжил: Монгол Улсын ногоон хөгжлийн үзэл баримтлалыг танилцуулж,  “Бид нэг гаригийнхан: Хувьсан өөрчлөгдөж буй уур амьсгалд хүн төрөлхтөн хөгжин дэвших нь” сэдэвт бүсийн Хүний хөгжлийн илтгэлийг хэлэлцүүлэх юм байна. Түүний дараа оролцогчдын дунд нээлттэй хэлэлцүүлгийг хийх ажээ.