Өргөө кино театрын хамт олон маргааш 17.00 цагт “Linkin Park” хамтлагийн Монголын фейсбүүк фэн клубын гишүүдэд зориулж 2008 онд тайзнаа толилуулж байсан “LP Road to Revolution” тоглолтыг өөрийн дэлгэцнээ үзүүлэхээр зэхжээ. Дуу дүрсний хувьд өндөр шаардлага хангасан уг тоглолтыг 170 хүний суудалтай танхимдаа үзүүлэх гэж байгаа тул залуусаа яараарай. Тасалбар 6000 төгрөг ба “Өргөө-1” кино театрын кассаар зарагдаж байгаа юм. “Linkin Park” хамтлагийн Монгол дахь фен клуб нь 2011 оны есдүгээр сарын 3-нд байгуулагджээ. Энэ клуб нь “Linkin Park” хамтлагийн үнэнч фен, шүтэн бишрэгчид болон тэдний дууг сэтгэл зүрхнээсээ сонсож мэдэрдэг хүмүүсийг нэг дор цуглуулан “Linkin Park” хамтлагийн Монгол дахь фенүүдийг улам их болгох зорилготой. Мөн цаашид “Linkin Park” хамтлагийг эх орондоо авчирах нь тус клубын хамгийн том зорилго аж. Тиймээс клубын зүгээс зохион байгуулж байгаа үйл ажиллагаанд идэвхтэй оролцож уриалжээ.