Дэлхийн томоохон мэдээллийн агентлагууд АНУ-ын ерөнхийлөгчийн сонгуулийн тухай мэдээлж байгаа юм. Сонгуулийн дүн гарах дөхөөд байгаа энэ цаг үед эдгээр мэдээллийн агентлагууд саналын дүнгийн тухай өөр хоорондоо зөрүүтэй мэдээлэл хүргэж байна.  Тухайлбал, Bloomberg болон Yahoo сайтын мэдээлж буйгаа Митт Ромни 153, Барак Обама 123 санал авсан гэж мэдээлж байгаа бол Их Британийн BBC агентлаг Обама 157, Ромни 162 хүний санал авсан гэж мэдээлж байна. Харин CNN агентлаг эдгээрээс арай өөрөөр мэдээлж байна. Тэдний тооцооллоор Обама 143, Ромни 152 санал авсан гэж мэдээлж байгаа юм. Харин ерөнхийлөгчийн сонгуулийн тусдаа цэсэнд Обамаг 237, Ромни 206 санал авсан гэж мэдээлж байна.