Холливудын од, Америкийн шилдэг балетчин, жүжигчин Саша Радекци хэдхэн хоногийн дараа Монголд зочлох гэж байна. Саша арваннэгдүгээр сарын 11-нд Улаанбаатартирэхээр болжээ. Монголд анх удаа зочилж буй Саша Радекци алдарт А.Аданы “Жизель” балетын Албертын дүрийг ДБЭТ-ын тайзнаа амилуулах юм. Саяхан Оросын балетын оддыг цуглуулж, сонгодог урлаг сонирхогчдыг баярлуулсан ДБЭТ-ын дараагийн зочин Америкийн төдийгүй Холливудын од Саша Радекци болж байгаад Монголын үзэгчид баяртай байна.

Түүнийг үзэгчид “Center Stage” киногоор сайн танина. Харин балетын урлагт дуртай үзэгчид Сашаг дэлхийн бүхий л шилдэг балетын гоцлол, гол дүрийг бүтээсэн гэдгээр нь мэдэх байх.

Тэрбээр арваннэгдүгээр сарын 16, 18-нд хоёр өдөр Улсын дуурь, бүжгийн эрдмийн театрын тайзнаа балетын урлагийн ноён оргил А.Аданы “Жизель” балетын Албертын дүрээр Монголчуудтай уулзана гэдгийг дахин сануулъя.