Apple  арваннэгдүгээр сарын 2-нд  iPad mini ба дөрөвдэх үеийн iPad таблетүүдээ худалдаанд гаргалаа. Шинэ Зеланд, Австралийн хэрэглэгчид анхны хэрэглэгчид нь болжээ. 

iPad mini дэлхийн 34 оронд нэгэн зэрэг худалдаанд гарч эхэлсэн. CNET Australia сайтын сурвалжлагч таблет худалдаж эхлэх үеэр Apple Store дэлгүүрт байсан ба түүний бичсэнээр iPad mini нь iPhone 5 анх зарагдаж байсантай харьцуулахад Австраличуудын сонирхлыг тэгтлээ татаагүй аж. Худалдаанд гарсан эхний өдөр дэлгүүрийн ажиллагаа ердийн өдрийнх шиг л  байсан гэнэ.

АНУ-д iPad mini (16 – 64 гигабайт) санах ойтой, мөн утасны модультай зэргээс хамааран 329 – 659 доллараар зарагдаж байна. Харин дөрөв дэх үеийн “том” iPad 499 – 829 долларын үнэтэй гэнэ. Үүний зэрэгцээ 16 гигабайтын хоёр дахь үеийн iPad худалдаанд 399-529 доллараар гарчээ.

iPad mini нь хэмжээ болон дэлгэцийн диагналь нь 9,7 дюймаас 7,9 дюйм болсноор том iPad-аас өөр. iPad mini нь худалдаанд 2011 онд гарсан iPad 2-тай үзүүлэлтээрээ төстэй. Хоёр таблет  Apple A5 процессортай бөгөөд дэлгэцийн шийдэл нь 768, 1024 цэгээс бүрэлддэг.