Америкийн Иллинойс хотын шүүхээс BitTorrent сайтаас гей эрчүүдийн тухай арван порно кино татаж авч үзсэн Куэйн Фишер гэх залууд 1,5 сая ам.долларын торгууль ногдуулжээ. Түүний татаж авсан кино нэг бүрт 150 мянган ам.долларын торгууль оноосон бөгөөд энэ нь тус улсын түүхэнд хамгийн өндөр дүнтэй торгууль болж буй гэнэ.

Хэдийгээр торгуулийн хэмжээ маш өндөр байсан ч Куэйн Фишер шүүх хуралд өөрийгөө өмгөөлөх нэг ч тайлбар хийгээгүй аж. Тэрээр BitTorrent сайтаас ихэвчлэн төлбөр төлж, порно кино татаж авдаг байсан бөгөөд BitTorrent-ийн порно кинонд төлсөн хэрэглэгчийн кодоор нь ийнхүү илрүүлсэн байна.

Холбооны шүүгч Жон Лейгийн мэдээлснээр “Куэйний хувьд интернэтээр маш олон кино үзсэн нь илэрсэн ч шүүхийн зүгээс түүний үзсэн киног эцсийн байдлаар арав болгон бууруулж тогтоосон. Хэрвээ түүнийг арваас дээш үзсэнээр нь буруутгавал тэр одоогийн торгуулийн хэмжээнээс хэд дахин илүү торгууль хүлээх байсан” гэжээ. 

Харин тус шүүхээс Куэйнийг хэрвээ мөнгөн торгуулиа төлж чадахгүй бол ямар ял оноох вэ гэдэг талаар тодорхой зүлийг мэдээлээгүй ч ирэх оны тавдугаар сар гэхэд интернэтээс порно кино татаж үздэгийг бууруулахаар хатуу тэмцэнэ гэдгийг онцолсон  байна.