Шинэ шилдэг бүхнийг түгээгч Нэкст Электроникс ХХК аливаад анхдагч байж чаддаг гэдгээрээ хэрэглэгч, худалдан авагчдад хэдийнээ хүлээн зөвшөөрөгдсөн билээ.
Тэгвэл өнгөрөгч бямба гаригт дэлхийн гэр ахуйн цахилгаан барааны зах зээлд өрсөлдөхүйц байр суурьтай LG брэндийн анхны бүрэн хэмжээний үзүүлэнгийн танхимын албан ёсны нээлтийг Нэкст Плаза төвд хийж, хэрэглэгч худалдан авагч олноо баярлууллаа.  Нээлтэд LG Электрониксийн Алс Дорнод дахь Монголыг хариуцсан захирал Чой Сун Хо, мөн тус компнийн Монголыг хариуцсан маркетингийн мэргэжилтэн И Дон Хюн нар хүрэлцэн ирж, Нэкст Электроникс ХХК LG Элктроникс компаниудын хамтын ажиллагааны талаар зочдод хандан үг хэлсэн юм. Нэкст Электроникс ХХК-ийн ерөнхий захирал Л.Чулуунболд, LG Электрониксийн Монгол дахь төлөөлөгчийн газрын дарга Ж.Энхжаргал нар гадаадын зочдын хамтаар нээлтийн улаан туузыг хайчлан, үзүүлэнгийн танхимыг албан ёсоор нээлээ.

Монгол түмний сайн сайхны бэлгэдэл морин цагт эхэлж, Морин хуурын аялгуунд, уртын дуу уянгалуулсан нь зочдын талархлыг хүлээсэн. Мөн Үндсэний Дуу Бүжгийн Эрдмийн Чуулгын дэргэдэх ардын урлагийн “Хөсөгтөн” хамтлаг монгол үндэстний гайхамшигт сайхан аялгуу болон хөөмийн эгшиглэнг сонордуулан, бэлэг барьсан юм. LG брэндийн богино долгионы зуух ашиглан хийсэн мастер тогоочийн гарын хоол, ориглуун дарс нээлтийн ёслолыг улам ч сонирхолтой болгож, хүрэлцэн ирсэн зочдын анхаарлыг ихээр татаж байлаа.
 Нэкст Электроникс ХХК-ийн харилцагч, хамтран ажиллагч, түнш байгууллагууд, түүний төлөөлөл, үнэнч хэрэглэгч, худалдан авагчид нээлтийн ёслолд оролцож, дэлхийн жишигт нийцсэн үзүүлэнгийн танхимаар зочлон, дэлхийн шилдэг брэндийг нээлтийн урамшуулалтай үнээр худалдан авцгаасан юм.

Зурагт, хөргөгч, угаалгын машин, гэрийн театр гээд хүний амьдралын өдөр тутмын хэрэгцээ болсон гэр ахуйн цахилгаан барааны үйлдвэрлэл, худалдаагаараа дэлхийн топ 5 брэндийн нэг болж чадсан LG брэндийн бараа бүтээгдэхүүнийг нээлтийн тусгай урамшуулалтайгаар худалдан авах боломж 7 хоног үргэлжилнэ.
Нэкст Электроникс ХХК шинэ шилдэг бүхнийг бусдаас түрүүнд нэвтрүүлж, ямагт манлайлна.