“Сэнди” шуурганд нэрвэгдэгсэдэд зориулсан хандивын тоглолтыг Америкийн урлагийн шилдэг одод хийлээ. Тайзнаа Кристина Агилера, Брюс Спрингстин, Жон Бон Жови, Билли Жоэл нарын алдартнууд дуулав. Нью-Йорк хотын захирагчийн шийдвэрээр дэлхийд нэр хүндтэй марафон гүйлтийн тэмцээнийг хойшлуулсан байна.

Америкийн поп, рокийн олон одод “Сэнди” шуурганд нэрвэгдэгсдэд туслах буяны тоглолтоо Нью-Йорк хотноо хийсэн юм. Өнгөрсөн бямба гаригт тоглосон энэ концертыг дуучин Кристина Агилера нээв. NBS телевизийн явуулж байгаа буяны арга хэмжээний хүрээнд уг концертыг зохион байгуулсан байв. Хандивийн мөнгө хөрөнгийг Улаан загалмайн санд оруулах юм. Тэдний тоглолтыг АНУ-ын томоохон телевизүүд дамжуулсан байна.