БШУЯ-наас аймаг, нийслэлийн Боловсрол, соёлын газрын дарга, зарим ерөнхий боловсролын сургуулийн удирдлагуудын хүрээнд өнөөдөр видео хурал  зохион байгууллаа.  Засгийн газрын Боловсрол, шинжлэх ухааны салбарын  бодлого, хөтөлбөр, авч хэрэгжүүлж буй  арга хэмжээ, яамны   шинэ бүтэц болон орон нутгийн  Боловсролын байгууллагын нөхцөл байдлын талаарх мэдээлэл сонсох зорилготой уг хуралд 21 аймгийн Боловсролын газрын удирдлага, ажилтнууд оролцсон юм. 

Дөрвөн цагийн тугрш үргэлжилсэн энэ хурлын эхэнд БШУЯ-ны газар, хэлтсийн дарга нар Шинэчлэлийн Засгийн газрын Боловсрол, шинжлэх ухааны салбарын чанарын шинэчлэлийн бодлого, хөтөлбөр авч хэрэгжүүлж буй  арга хэмжээ, анхаарах асуудлыг  танилцуулсан. Дараа нь орон нутгийн боловсролын байгууллагын төлөөллүүд  өнөөгийн тулгамдаж буй асуудал болон яамнаас хэрэгжүүлэх ажлын талаар  өөрсдийн санал хэллээ.

Хурлын төгсгөлд БШУ-ны дэд сайд Б.Ургамалцэцэг “Эхний уулзалт үр дүнтэй боллоо. Цаашдаа энэ уулзалтыг улиралд нэг удаа зохион байгуулж аль аймаг, аль газар ямар тэргүүн туршлага хэрэгжүүлэх гэж байна. Тэндээс харилцан туршлага солилцсон үр дүнтэй хурал  байх болно” хэмээн дүгнэлээ.