Нийслэлийн Засаг дарга бөгөөд Улаанбаатар хотын захиаргч Э.Бат-Үүл “Цахилгаан тээвэр “ компанийн ажилтай өнөөдөр танилцлаа. Тус компанийн  захирал Д.Жаргалсайхан Засаг даргад ажлаа танилцууллаа. Эднийх троллейбус угсарч байгаа аж. Гэхдээ эдийн засгийн хомс байдлаас болоод троллейбус угсрах ажил эхлэлийн төдий байгаа аж. Харин эдийн засаг хөрөнгө мөнгөөр нь дэмжээд өгвөл “Цахилгаан тээвэр “компанийн инженерүүд энэ чиглэлийн үйлдвэрлэл явуулах боломжтой болсон гэж захирлын танилцуулгад дурьдагдав. Түүгээр зогсохгүй угсарсан троллейбусандаа хотын захирагчийг суулгалаа. Троллейбус цахилгаангүй болсон нөхцөлд хуримтлуулж нөөцөлсөн нөөц цахилгаанаар явах боломжтой бүтээгдсэн тул урьд урьдынхаасаа улам боловсронгуй болжээ. “Цахилгаан тээвэр” компанид угсарсан троллейбусаар Засаг дарга тус компанийн байрны гаднаас Сүлжмэлийн үйлдвэр хүртэл явлаа. Энэ хооронд нөөц цахилгаанаар хийгээд шугамд холбогдох зэрэг хосолмол байдлаар явж үзүүлэв. Түүнээс гадна тус компанийн БНСУ-ын “Huyndai”  маркийн автобусыг цахилгаан хөдөлгүүртэй троллейбус болгон өөрчилж шугаманд гаргасан байна. Түүнээс гадна бензин хөдөлгүүртэй автобус бас хийсэн байлаа. Троллейбус, автобуснаас гадна цахилгаанаар явдаг суудлын  авто машин угсарчээ. Автомашин хуримтлуулсан цахилгаанаараа 200 км замыг туулах чадвартай аж. Гэхдээ уг автомашины бүхээгийн дулааны шийдвэрлээгүй байгаа гэж танилцуулж байлаа. “Цахилгаан тээвэр” компанийн шугамд 50  автобус явуулахад түлшинд нь 150 сая төгрөг зарцуулдаг. Тэгвэл тэр тооны троллейбус явуулахад сард 15 сая төгрөг цахилгаанд төлдөг гэсэн тооцоо гарчээ. Троллейбус нь хотын хүн амыг зөөврлөхөд хямд байхаас гадна, утаа гаргадаггүй сайн талтай гэнэ. Энэ бол түүний давуу тал аж.

Нийслэлийн Засаг дарга бөгөөд Улаанбаатар хотын захирагчийн дараагийн очсон газар бол УБТЗ байв. Энд очсон гол асуудал нь нийслэлийн дундуур өнгөрдөг төмөр замыг нийслэлийн хүн тээвэрт  хэрхэн яаж ашиглах боломж байгаа талаар мэргэжилтнүүдийн саналыг сонсоход байлаа. Энэ талаар зөвхөн өнөөдөр яриагүй. Шинэ ажил авсныхаа дараа уг санааг хэрэгжүүлэх талаар яриа хэлэлцэл эхлүүл тооцооо судалгаа хийлэгсэн байна.

 УБТЗ-аас өдөр гурван удаа төмөр замын сүлжээг ашиглаж хүн тээврийн зориулалт бүхий гурван цаг буюу цонх байгаа талаар Засаг даргад танилцуулжээ. Цонх гэдэг тухайн өдрийн тодорхой цагт ямар нэг төмөр замын хөдөлгөөн байхгүй байх үе. Энэ үеийг ашиглаад төмөр замаар явдаг релейбусыг ашиглах боломжтой аж. Хүн тээврийн энэ хэрэгслийг ОХУ-д үйлдвэрлэдэг. Гурван вогантай. 600 зорчигч суух боломжтой гэнэ.

УБТЗ-ын тээвэр эрхлэсэн орлогч дарга Д.Жигжиднямаагийн тайлбарлаж байгаагаас үзвэл тус компанид ашиглагдаж байгаа галт тэрэг, тоног хэрэгсэл нь алсын хүн, ачаа тээвэрлэхэд зориулагдсан байдаг. Хотын дотор буюу хүн зөөвөрлөх богино эргэлтэд зориулагдаагүй байна. Нийслэл нийтийн тээврийг шийдвэрлэх өөр нэг арга нь төмөр зам гэж үзэж байгаа. Иймийн тулд релейбусыг ОХУ-эхний ээлжинд хоёр сарын хугацаатай туршилтын журмаар явуулах тооцооны эхний хувилбарыг гаргажээ.

Толгойтоос Хонхор өртөө хүртэл уг тээврийн хэрэгслийг явуулна гэж үзэхэд зорчигчдын есөн зогсоол бий болгох хэрэгтэй болжээ. Энэ есөн зогсоолын нэгийг барьж байгуулахад 42-45 сая төгрөг шаардлагатай. Тээврийн хэрэгслээр өдөрт гурван удаа рейс хийж, ажиллах хүч, хоёр сарынх нь түрээсийн төлбөрийг эхний байдлаар  тооцоод үзэхэд 720 сая төгрөгийн алдагдал хүлээхээр гарчээ. Хэрэв төмөр зам Эмээлт өртөөнөөс Богд уулын урдуур  ядаад холбогдох юм бол одоогийн нийслэлийн дундуур өнгөрч байгаа тээврийн хэрэгсэл нь хүн тээвэрт бүрэн ашиглагдах нөхцөл хангагдвал үүнээс арай өөр тооцоо гарах гэнэ. Хүн тээвэр гэдэг бол манай улсад алдагдалтайд тооцогддог. Харин бусад улс орны хувьд ашигтай салбарт тооцогддог байна.