Тансаг хэрэглээг эрхэмлэгчдэд зориулан бүтээгдэхүүн үйлдвэрлэдэг “Gresso” компаниас “Regal” нэртэй титан гадаргуутай гар утас бүтээжээ. Титан гадаргуутай гар утас нь гөлгөр ган товчлууртай, 121x46x12 мм-ийн хэмжээтэй, 130 грамм жинтэй, ар тал болон урд тал нь тусгай технологийн дагуу харлаж харагддаг толин гадаргуутай бөгөөд ердөө 333 ширхэг л үйлдвэрлэгдсэн байна. Эдэлгээ даах титан гадаргуутай энэхүү гар утасны үнэ нь 4500 ам.доллар аж. Үүнээс өмнө гар утас үйлдвэрлэгчид дэлхийн зах зээл дээр алт, мөнгө, паллади, төмөр, пластик гадаргуутай, алмааз, болор шигтгээтэй гар утаснууд гаргаад байсан юм.