Америкийн кантри урсгалын шилдгүүдийг шалгаруулдаг “Country Music Association Awards” буюу “CMA” өчигдөр болж өнгөрсөн байна. Шагнал гардуулах ёслолд кантри урсгалын “Little Big Town” шилдэг хамтлагаар шалгарсан бол дуучин Эрик Чарч шилдэг эрэгтэй дуучнаар шалгарсан байна. “Little Big Town” дэлхийн олон мянган хөгжим сонирхогчдыг байлдан дагуулсан “Pontoon” нэртэй синглээрээ ийнхүү шилдгийн шагнал хүртжээ. Тэд шагналаа гардаж аваад  “Шилдэг шагналыг хүртсэндээ маш их баяртай байна. Бидэнтэй үргэлж хамт байдаг, биднийг дэмждэг фэнүүддээ маш их баяраллаа” хэмээн сэтгэгдлээсээ хуваалцжээ.

“Country Music Association Awards”-т кантри урсгалын олон уран бүтээлч өрсөлдсөн бөгөөд Тейлор Свифт, Миранда Ламберт, Келли Кларксон, Маритана МакБрайд, Кэрри Андервуд нар мөн оролцсон гэнэ. Түүнчлэн Миранда Ламбертийн нөхөр Блейк Шелтон ч дөрвөн номинацид нэр дэвшсэн бөгөөд тэд хоёул шилдэг дуу номинацид “Over You” дуугаараа “шилдгийн шилдэг” шагнал хүртсэн байна.

Эрик Чарчийн хувьд CMA-ийн “шилдгийн шилдэг” шагналыг анх удаагаа хүртэж байгаа нь энэ нь аж. Тэрээр шагналаа гардан авсны дараа “Энэ үдэш энэхүү  танхимд хуран цугларсан та бүгдэд маш их баяраллаа. Миний хувьд энэ шагнал бол  мөрөөдөл минь байсан” хэмээжээ.