Монголд нийлүүлж буй шатахууны үнээ өнгөрсөн сард тонн тутамд нь 44 ам.доллараар нэмсэн ОХУ энэ сард дахин үнээ нэмэх нь бараг тодорхой болоод байна. Үүнээс шалтгаалаад шатахууны үнэ нэмэгдэх тухай мэдээллийн дагуу  нефть импортлогч компаниудтай холбогдож байна.

“НИК” ХХК дээрхи үнийн өөрчлөлттэй холбоотойгоор ирэх долоо хоногоос нефтийн  бүтээгдэхүүнийхээ үнийг 200-230 төгрөгөөр нэмэх талаар тус компанийн гүйцэтгэх захирал М.Халиунбат хэлсэн бол  “М-Ойл” компанийн гүйцэтгэх захирал Р.Батбаяр “Бид шатахууны үнээ нэмэхгүй” гэсэн байр суурь илэрхийллээ.