Төрийн өмчийн хорооны шийдвэрийн дагуу “МИАТ” компанийн төлөөлөн удирдах зөвлөл хуралдаж, Гавьяат нисгэгч Г.Жаргалсайханыг тус компанийн гүйцэтгэх захирлаар томилсон байна. Өмнө нь тус албан тушаалыг хашиж байсан Ц.Орхоныг ажлаас нь чөлөөлжээ.

Г.Жаргалсайхан нь 1975 оноос хойш 30 гаруй жил Монголын иргэний агаарын тээврийн салбарт хүчин зүтгэж буй бөгөөд өмнө нь “МИАТ” ХК-ийн Токио дахь Төлөөлөгчийн газрын ерөнхий менежерээр ажиллаж байжээ. Тэрээр өнгөрсөн жил Монгол Улсын Гавьяат нисгэгч цолоор шагнуулсан аж.