Цус сорогчид болоод хүн чононуудын тухай өгүүлэх “Twilight” цувралын шинэ анги болох “Twilight: Breaking Dawn-Part II” кино энэ сарын 16-нд нээлтээ хийхээр товлоод буй. Киноны трейлерүүд саяхнаас цацагдаж эхэлсэн бөгөөд саундтрекээр “Green Day” панк-рок хамтлагийн сүүлийн уран бүтээл “The Forgotten” гэх дуу эгшиглэх болжээ. Тус дууны клипэнд киноны хамгийн “супер” гэсэн хэсгүүдээс оруулсан байна. Өнгөрснөө эргэцүүлж, бодлогоширсон утга агуулгатай энэ дууны аялгуу нь гуниг төрүүлэм.

Дашрамд дуулгахад, “Green Day” хамтлаг удахгүй хийхээр төлөвлөж байсан аялан тоглолтоо дуучныхаа эрүүл мэндийн шалтгаанаар ирэх хоёрдугаар сар хүртэл хойшлуулсан байна.