УИХ-ын чуулганы нэгдсэн хуралдаанаар Монгол Улсын 2013 оны нэгдсэн төсвийн хоёр дахь хэлэлцүүлэг үргэлжилж байна. Ингэхдээ мэдээлэл харилцааны холбооны салбартай холбогдох асуудлуудаар санал хураалгаж буй юм. Тухайлбал төрийн өмчит компанийг түшиглэн интернэтийн сүлжээний дэд бүтцийг сайжруулахад 1.1 тэрбум төгрөг нэмж тусгах гэсэн заалт гишүүдийн олонхийн дэмжлэг хүлээлээ. Гэхдээ эл асуудлаар санал хураахын өмнө зарим нэр бүхий гишүүн “Хувийн хэвшлийн хийчих бололцоотой ажлыг заавал төр булааж авч хийх шаардлагагүй, тэр тусмаа төсөвт нэг сая ам.доллар суулган ачаа болгох шаардлагагүй” гэж шүүмжилж байсан юм. Учир нь өнгөрсөн хугацаанд хувийн хэвшлийн гурван компани эл асуудлыг өөрсдийн хөрөнгөөр хийж гүйцэтгэснээр интернэтийн үйлчилгээний үнэ ханш буурсан юм байна.

Харин Харилцаа холбооны зохицуулах газрынхны тайлбараар бол одоогийнхоо интернэтийн дэд бүтцийг олон улсын төвшинд хүргэнэ. Ингэснээр интернэтийн хурд сайжрахаас гадна үнэ буурах бололцоо бүрдэх гэнэ.
Санал хураалт үргэлжилж байна.