Монголын жүдо бөхийн шигшээ багийн тамирчидтай хамтарсан бэлтгэл хийхээр ирээд буй Францын залуучуудын шигшээ багийн тамирчидтай өчигдөр халз барилдаан хийлээ. 10 тамирчин, гурван дасгалжуулагчийн хамт ирсэн Францын залуучуудын эмэгтэйчүүдийн шигшээ багийн тамирчид 15 хоногийн хугацаанд Монголд байх юм. Хоёр багийн хамтарсан бэлтгэл өдөр бүр үргэлжилж буй.

Өчигдөр болсон Монгол болон Францын багийн тэмцээнд хоорондоо гурван удаа халз барилдахад францчууд давуу байжээ. Хоёр багаас тус бүр 10 тамирчин хоорондоо халз барилдахад, эхний удаад Францын баг 7-3-аар, дараа нь Монголын жүдочид 7-3 харьцаатай ялалт байгуулжээ. Шийдвэрлэх барилдаанд зочин орны тамирчид 8-2-оор ялсан байна.

Тэмцээнийг “Локо транс” ХХК-ийн захирал, МЖБХ-ны дэд ерөнхийлөгч Г.Сурмаа ивээн тэтгэжээ.