Америкийн рок “Нирвана” хамтлагийн "Nevermind" цомогт нь багтсан "Smells Like teen spirit" дууны видео клипэндээ хэрэглэсэн басс гитарийг ирэх 29-нд Лондонгийн Кристигийн дуудлага худалдаагаар худалдахаар болжээ. Энэхүү басс гитарийг дуудлага худалдаанд оруулан зарах гэж байгаа хүн нь Япон улсын иргэн Зен-Он гэгч бөгөөд тэрээр клипний зураг авалтыг хийж байхад жаахан хүүхэд байсан гэнэ. Хэдийгээр энэхүү басс гитарийг  клипний зураг авалтын үеэр Крист Новоселич эвдэлсэн ч дуудлага худалдаагаар 24 мянган ам.доллараас 40 мянган ам.доллар хүрж чадна гэж үзэж байгаа юм байна. Дашрамд сонирхуулахад “Нирвана” хамтлаг нь 1987 дуучин, гитарчин Курт Кобэйн, басс гитарчин Крист Новоселич нарын бүрэлдэхүүнтэй байгуулагдсан. Үүний дараа урт хугацааны турш бөмбөрчний эрэлд гаран 1990 онд Дэйв Гролыг хамтлагтаа элсүүлэн авч байсан юм.