“Номын ертөнц” ТББ-аас энэ сарын 7-9-ны өдөр “Номын баяр”-ыг  зохион байгуулах гэж байна. Улаанбаатар бизнес хөгжлийн төвийн үзэсгэлэнгийн танхимд гурав хоног үргэлжлэх номын баярт оролцохыг хүссэн хэн бүхний өмнө тус өдөрлөгийн үүд хаалга нээлттэй ба оролцох хүсэлтэй хэвлэлийн компани, хувь хүмүүс, уран бүтээлчдийг  www.facebook.com/events цахим хуудсаар бүртгэж байгаа юм.

“Номын ертөнц” ТББ-аас жилийн бүр оюуны салбарынхны өргөн цугларалтыг зохион байгуулдаг билээ. Энэ жил номын салбарынхан өндөр бүтээмжтэй байж олон ч сайхан бүтээлүүд шил шилээ даран төрсөөр байна. Тиймээс энэ удаагийн баяраар 2012 онд бүтээгдсэн олон сайхан бүтээлийг уншигчдад, ном бүтээгчдийнх нь тайлбар, танилцуулгатай дэлгэн сонирхуулахыг зорьжээ. Уншигчид хавар, намрын баярыг тэсэн ядан хүлээдэг шиг, ном бүтээгчид маань ч гэсэн олон шинэ бүтээлээ дэлгэн сонирхуулахаар зэхээд байна.