Өсвөр насныхны олон улсын “MISS GLOBAL TEEN 2012” наадам Аргентиний Буенос Айрест энэ арваннэгдүгээр сарын 24-нд болох гэж байна. Уг наадамд одоогийн байдлаар дэлхийн 33 улсын мисүүд оролцохоор мэдэгдээд байгаа аж. Зохион байгуулагчдын мэдээлснээр оролцогчид гоёлын даашинз, үндэсний хувцас, фото, усны хувцастай төрлүүдээр өрсөлдөх юм байна.

Өсвөр насныхны дунд зохион байгуулагддаг дэлхийн гоо охин шалгаруулах уг наадамд энэ жил анх удаа Сенегалын гоо охин Хава Санни оролцохоор болжээ.  Тэрээр 19 настай, 178 см өндөр юм гэнэ. Хэдийгээр тэрээр Бельгид амьдардаг ч гэсэн  Сенегалдаа байнга ирдэг гэнэ.