Франц улсаас АНУ-д бэлэг болгон өгсөн Нью-Йорк хотод байрлах “Эрх чөлөөний хөшөө” 1885 онд тус улсад ирснээсээ хойш анх удаа томоохон сэргээн засварлалтад орсон байгаа. Хэдийгээр “Эрх чөлөөний хөшөө”-г өнгөрөгч амралтын өдрүүдэд олон нийтэд харуулах байсан ч АНУ-г ниргэсэн “Сэнди” хар салхинаас болж, нээлтийн ажиллагаа өнөөдрийг хүртэл саатжээ.

ЮНЕСКО-гийн дэлхийн өв соёлд бүртгэгдсэн “Эрх чөлөөний хөшөө”-г сэргээн засварлахад 30 сая ам.доллар зарцуулсан бөгөөд уг ажлыг бүтэн жилийн хугацаанд хийж гүйцэтгэжээ. Хөшөөг сэргээн засварлах төслийн хүрээнд суурьнаас нь титэм хүртэл бүрэн засч сайжруулсан байна.