УИХ-ын Тамгын газрын ерөнхий нарийн бичгийн даргаар 2008 оноос хойш ажилласан Ц.Шаравдорж хэдхэн хоногийн өмнө ажлаасаа сайн дураараа татгалзахаар болж, УИХ-ын даргад өргөдөл өгсөн билээ. Өдгөө УИХ-ын Тамгын газрын бүтэц, бүрэлдэхүүний шинэ зохион байгуулалтын талаар ид яригдаж байгаа юм байна.

УИХ-ын Тамгын газрын шинэ ерөнхий нарийн бичгийн даргын нэр ч дуулдаж эхэллээ. Баттай эх сурвалжийн мэдээллээр УИХ дахь АН-ын бүлгийн ажлын албаны дарга Н.Болдбаатарыг Тамгын газрын даргаар томилохоор болжээ.

Н.Болдбаатар 2008 оноос УИХ дахь АН-ын бүлгийн ажлын албаны ахлагчаар ажиллаж байгаа юм.